ఢిల్లీలో ట్రాఫిక్ రూల్స్‌ను అతిక్రమించే వారి వాహనదారుల ఫోటోలు పంపిస్తే భారీగా నగదు బహుమతి

ఢిల్లీ ట్రాఫిక్ పోలీసులు సరికొత్త విధానాన్ని ప్రవేశపెట్టారు. ట్రాఫిక్‌ రూల్స్‌ను అతిక్రమించే వారి వివరాలను అందించిన వారికి రూ.50వేల వరకు రివార్డు ఇస్తామని వెల్లడించారు. దీని కోసం ట్రాఫిక్‌ ప్రహారీ అనే యాప్‌ను తీసుకువచ్చారు. ఈ యాప్‌లో ట్రాఫిక్‌ ఉల్లంఘనలకు పాల్పడే వాహనదారులకు సంబంధించిన ఫొటోలు, వీడియోలు, వెహికల్ నంబర్‌ సహా పలు వివరాలను అప్‌లోడ్‌ చేయాల్సి ఉంటుంది. ఈ యాప్ ద్వారా వచ్చిన ఫిర్యాదులను పరిష్కరించి వెంటనే సదరు వాహనదారులపై కఠిన చర్యలు తీసుకుంటామన్నారు.