రెండు ద్విచక్ర వాహనాలు ఢీ.. నలుగురికి గాయాలు

ఎదురెదురుగా వస్తున్న రెండు ద్విచక్ర వాహనాలు పరస్పరం ఢీకొనడంతో నలుగురు తీవ్రంగా గాయపడ్డారు. ఆసిఫాబాద్ మండలంలోని ఇటిక్యాల గ్రామ సమీపంలో ఎదురెదురుగా వస్తున్న రెండు ద్విచక్ర వాహనాలు సోమవారం రాత్రి ఢీకొట్టాయి. ఈ ప్రమాదంలో బెల్గామ్ గ్రామానికి చెందిన ఇద్దరు, బనార్ గొంది గ్రామానికి చెందిన మరో ఇద్దరికి తీవ్ర గాయాలయ్యాయి. వీరిని స్థానికులు ఆసిఫాబాద్ ప్రభుత్వ ఆస్పత్రికి తరలించారు. పూర్తి వివరాలు తెలియాల్సి ఉంది.