అమెరికాలో అదృశ్యమైన భారత విద్యార్థి మృతి

అమెరికాలోని పర్డ్యూ విశ్వవిద్యాలయంలో చదువుతున్న భారత విద్యార్థి మృతిచెందాడు. పోలీసుల వివరాల ప్రకారం.. ఆదివారం నుంచి నీల్ ఆచార్య అనే విద్యార్థి కనిపించకుండా పోయాడు. గాలింపు చేపట్టడంతో క్యాంపస్‌లోనే ఓ భవనం వద్ద మంగళవారం అతడి మృతదేహాన్ని గుర్తించారు. ఈ విషయాన్ని విశ్వవిద్యాలయానికి చెందిన కంప్యూటర్ సైన్స్ తాత్కాలిక విభాగాధిపతి క్రిస్ క్లిఫ్టన్ ధ్రువీకరించారు. పూర్తి వివరాలు తెలియాల్సి ఉంది.