ఇజ్రాయిల్‌ దాడిలో 14 మందికి పైగా పాలస్తీనియన్లు మృతి

పాలస్తీనాపై ఇజ్రాయిల్‌ ఏడాదికిపైగా దాడులు కొనసాగిస్తూనే ఉంది. తాజాగా మంగళవారం ఉదయం గాజాలో జరిపిన బాంబు దాడిలో కనీసం 14 మందికిపైగానే పాలస్తీనియన్లు మృతి చెందారు. అలాగే లెబనాన్‌ అంతటా ఇజ్రాయిల్‌ సైన్యం దాడులు సాగించింది. ఈ దాడుల్లో తూర్పు బెకాలో ముగ్గురు మృతి చెందారు. కేఫ్‌లో ఫుట్‌బాల్‌ మ్యాచ్‌ చూసేందుకు వచ్చిన పదిమంది పాలస్తీనియన్లు మృతిచెందారని ఇజ్రాయిల్‌ సైన్యం తెలిపింది.