ఇండస్ట్రీలోకి మరో నందమూరి హీరో

నందమూరి హరికృష్ణ మనవడు, జానకిరామ్‌ కుమారుడు తారక రామారావు హీరోగా వై.వి.ఎస్‌.చౌదరి కొత్త సినిమాను తెరకెక్కించనున్న విషయం తెలిసిందే. ‘న్యూ టాలెంట్‌ రోర్స్‌’ పతాకంపై ఆయన సతీమణి గీత ఈ చిత్రాన్ని నిర్మిస్తున్నారు. ఈ చిత్రానికి కీరవాణి సంగీతం అందించనున్నారు. తాజాగా నిర్వహించిన సమావేశంలో న్యూ హీరో తారక రామారావుని పరిచయం చేశారు. దర్శకుడు రాఘవేంద్రరావు, అశ్వినీదత్‌ ముఖ్య అతిథులుగా హాజరయ్యారు.