ఆస్ట్రేలియాలో కొత్త చట్టం.. 16 ఏళ్ల లోపు పిల్లలకు సోషల్ మీడియా నిషేధం

ఆస్ట్రేలియా ప్రభుత్వం కీలక నిర్ణయం తీసుకుంది. దేశంలో ఉన్న 16 ఏళ్ల లోపు ఉన్న పిల్లలు సోషల్ మీడియా ఉపయోగించకుండా నిషేధించాలని అక్కడి ప్రభుత్వం యోచిస్తోంది. దీనికోసం కొత్త చట్టాన్ని ప్రవేశపెట్టబోతున్నట్లు ఆస్ట్రేలియా ప్రభుత్వం వెల్లడించింది. అయితే ఈ చట్టం వచ్చే 12 నెలల్లో అమల్లోకి రానుంది. కాగా, చట్టసభ సభ్యులు ఆమోదించిన తర్వాత తల్లిదండ్రుల సమ్మతితో పిల్లలకు వయోపరిమితిపై ఎలాంటి మినహాయింపులు ఉండవని స్పష్టం చేసింది.