స్కూల్ బస్సు బోల్తా.. 60 మంది విద్యార్థులకు గాయాలు(వీడియో)

కర్ణాటకలో ఘోర ప్రమాదం తప్పింది. స్కూల్ బస్సు అదుపుతప్పి బోల్తాపడటంతో 60 మంది విద్యార్థులకు స్వల్ప గాయాలయ్యాయి. గురువారం ఉదయం కర్ణాటకలోని ఓ పాఠశాలకు చెందిన 60 మంది విద్యార్థులను యాజమాన్యం హంపి, విజయపురలకు విహారయాత్రకు తీసుకెళ్లింది. బస్సు కొప్పాల్‌లోని గంగావతి సమీపానికి చేరుకోగానే అదుపుతప్పి రోడ్డు పక్కకు దూసుకెళ్లి బోల్తా పడింది. విద్యార్థులకు స్వల్ప గాయాలు కావడంతో పెను ప్రమాదం తప్పింది. ఈ ఘటనపై పోలీసులు కేసు నమోదు చేశారు.