బంక్‌లో డీజిల్ కొట్టిస్తుండగా లారీలో చెలరేగిన మంటలు (వీడియో)

AP: తూర్పు గోదావరి జిల్లాలో అగ్ని ప్రమాదం సంభవించింది. రాజానగరం మండలం దివాన్ చెరువు గ్రామంలో ఉన్న ఇండియన్ ఆయిల్ పెట్రోల్ బంక్ వద్ద ఆదివారం ఓ లారీలో డీజిల్ కొట్టిస్తుండగా.. అకస్మాత్తుగా లారీ క్యాబిన్‌లో షార్ట్‌సర్క్యూట్‌ జరగడంతో ఒక్కసారిగా మంటలు చెలరేగాయి. దీంతో లారీ పూర్తిగా దగ్ధమైంది. ఘటనా స్థలానికి చేరుకున్న ఫైర్ సిబ్బంది మంటలను అదుపు చేశారు. దీంతో బంక్‌లో ఏ ప్రమాదం జరగకపోవడంతో వాహనదారులు, బంక్ సిబ్బంది ఊపిరి పీల్చుకున్నారు.