72,000/- రూపాయలకు శ్రీనివాస్ కాలనీ లడ్డు

నవరాత్రులు పూజలందుకొని నిమజ్జనానికి తరలిన పరిగి పట్టణంలోని శ్రీనివాస కాలనీ విగ్నేశ్వరుని లడ్డు 72, 000/- రూపాయలకు దుడ్డు పాండురంగం గుప్త సొంతం చేసుకున్నారు. పట్టణంలో శ్రీనివాస కాలనీ వినాయకుడు ప్రత్యేక ఆకర్షణగా నిలిచాడు. యువకులు మహిళలు పిల్లలు అంతా కూడా ఉత్సాహంగా కేరింతలు వేస్తూ ఆటపాటలతో విగ్నేశ్వరునికి వీడుకోలు పలికారు. ప్రత్యేక ఆకర్షణగా ప్రత్యేక లారీని హైద్రాబాద్ నుండి తెప్పించి ప్రత్యేక అలంకరముతో శివాజీ హనుమాన్ విగ్రహాలతో అంగరంగ వైభవంగా అలంకరించారు. పట్టణంలో ప్రజలు అలంకారనికి ముగ్దులయ్యి చరవానిలలో ఫోటోలు దింపుకున్నారు. ఇలాంటి కార్యక్రమాలు ఇంకా చేస్తూ ఆదర్శంగా ఉంటామని ఉత్సవ కమిటీ నిర్వాహకులు తెలిపారు.