బస్సులో గంజాయి రవాణా

విశాఖజిల్లా పెందుర్తి పోలీస్ స్టేషన్ పరిధిలో పినగాడి వద్ద 22 కేజీల గంజాయిని పోలీసులు శుక్రవారం స్వాధీనం చేసుకున్నారు. ఏపీ. 30 జెడ్. 0142 ఆర్టీసీ బస్సు పాడేరు నుంచి విశాఖపట్నం వస్తుండగా మార్గమధ్యలో పినగాడి వద్ద పోలీసులు తనిఖీలు నిర్వహించారు. ఓ మహిళ వద్ద రెండు బ్యాగుల్లో గంజాయి ప్యాకెట్లు లభ్యమయ్యాయి. పెందుర్తి పోలీసులు కేసు నమోదు చేసి దర్యాప్తు చేస్తున్నారు.