సింగనమల: శాంతి భద్రతలపై దృష్టి

శాంతి భద్రతలపై ప్రత్యేక దృష్టి సారిస్తామని పుట్లూరు నూతన సీఐ సత్యబాబు పేర్కొన్నారు. మంగళవారం ఆయన ఎస్పీ ఆదేశాలతో మట్కా నిర్వాహకులపై దాడులు చేశారు. అనంతరం ఆయన మాట్లాడుతూ మట్కా, జూద కేంద్రాలపై జరిపిన దాడులలో తిమ్మంపల్లె గ్రామానికి చెందిన నలుగురు మట్కా నిర్వాహకులను అరెస్టు చేసి, వారి వద్ద నుండి రూ. 6వేలు స్వాధీనం చేసుకున్నామన్నారు. పాత మట్కా నిర్వాహకులను అరెస్టు చేసి తహసీల్దార్ వద్ద బైండోవర్ చేశామని తెలిపారు.