ఐ. పోలవరం: దీపోత్సవానికి కోటి వత్తుల సమర్పణ

ఐ. పోలవరం మండలం మురమళ్ళ శ్రీవీరేశ్వర స్వామి వారికి గుంటూరు జిల్లా నరసరావుపేట పట్టణానికి చెందిన శ్రీనివాసరావు దంపతులు మంగళవారం కోటి వత్తులను సమర్పించారు. వీటిని ఆలయ అర్చకులు శ్యామల కుమార్కు అందజేశారని ఆలయ ఈవో మాచిరాజు లక్ష్మీనారాయణ తెలిపారు. వత్తులు అందించిన దాత కుటుంబానికి స్వామి వారి చిత్రపటం, ప్రసాదాలను అందించి వారిని సత్కరించారు. ఈ వత్తులను అమావాస్య రోజున దీపోత్సవానికి వినియోగిస్తామన్నారు.