గుంటూరులో పనిచేయని ట్రాఫిక్ సిగ్నల్స్

గుంటూరు నగరంలో పలు కూడళ్లలో ట్రాఫిక్ క్రమబద్ధీకరించడానికి ఏర్పాటు చేసిన ట్రాఫిక్ సిగ్నల్స్ పనిచేయడం లేదని వాహనదారులు సోమవారం ఆవేదన వ్యక్తం చేశారు. నిత్యం రద్దీగా ఉండే హిందూ కాలేజీ, హిమనీ సెంటర్లలో సిగ్నల్స్ పనిచేయక తీవ్ర ఇబ్బందులకు గురవుతున్నామన్నారు. రాంగ్ రూట్లలో సైతం వాహనాలు వచ్చి ప్రమాదాలకు గురవుతున్నాయన్నారు. సంబంధిత అధికారులు స్పందించి సిగ్నల్స్ పనిచేసేలా చూడాలని వాహనదారులు కోరుతున్నారు.