గుంటూరు: ఇద్దరు యువకులపై బీరు సీసాలతో దాడి

ఇద్దరు యువకులపై బీరు సీసాలతో దాడి చేసిన ఘటన పై గురువారం నగరంపాలెం పోలీసులు కేసు నమోదు చేశారు. శ్రీనివాసరావు పేటకు చెందిన కోటేశ్వరరావు తన మిత్రుడు వినోద్ కలిసి కేవీపీ కాలనీలోని బార్ అండ్ రెస్టారెంట్ కు వెళ్లాడు. అప్పటికే అక్కడ మద్యం తాగి ఉన్న ప్రవీణ్ మరి కొంత మంది కలిసి కోటేశ్వరరావుతో గొడవ పెట్టుకుని బీరు సీసాలతో కోటేశ్వరరావు, వినోదులపై దాడి చేశారు.