రైతును నట్టేట ముంచిన వర్షం

అకాల వర్షాలు రైతన్నను నట్టేట ముంచాయి. వందలాది ఎకరాల పంటలు నీట మునిగాయి. దాచేపల్లి మండలం కేసానుపల్లి గ్రామంలో గత రెండు రోజులుగా కురుస్తున్న భారీ వర్షాలకు పత్తి, మిరప పంటలు పూర్తిగా నీట మునిగాయి. చేలల్లో నిలిచిన నీరు వెలుపలకు పంపేందుకు మార్గం లేక నీరు నిలిచి పంట దెబ్బతింటుంది. పత్తి, మిరప పిందె దశలో ఉండగా కురుస్తున్న అకాల వర్షంతో తమకు తీవ్ర నష్టం వాటిల్లిందని సోమవారం రైతులు ఆవేదన వ్యక్తం చేశారు.