నరసరావుపేట: రైలు కిందపడి గుర్తు తెలియని మహిళ మృతి

పల్నాడు జిల్లా నరసరావుపేట పట్టణంలో రవి కళామందిర్ థియేటర్ ఎదురుగా గురువారం గుర్తు తెలియని 47 ఏళ్ల మహిళ రైలు పట్టాలు దాటుతుండగా, ప్రమాదవశాత్తు కాచిగూడ రైలు ఢీ కొట్టడంతో అక్కడికక్కడే మృతి చెందిందని లోకో పైలట్ తెలిపారు. మృతురాలు నలుపు రంగు చీరపై పసుపు-వంకాయ రంగు పూల డిజైన్‌తో కూడిన చీర, నలుపు జాకెట్ ధరించి ఉన్నదని తెలిపారు. సమాచారం తెలిసిన వారు నరసరావుపేట రైల్వే పోలీసులను సంప్రదించాలని కోరారు.