పెదకూరపాడులో మోస్తరు వర్షం

పెదకూరపాడు మండలంలో బుధవారం మధ్యాహ్నం మోస్తరు వర్షం కురిసింది. 75 తాళ్లూరు, పరస, అబ్బురాజుపాలెం పరిసర ప్రాంతాల్లో వాన పడుతోంది. వర్షం రాకతో పత్తి, మిరప పొలాల్లో వ్యవసాయ కూలీలు ఇంటి బాట పట్టారు. ఈ వర్షంతో మిరప తోటలకు ఎలాంటి ఇబ్బంది ఉండదని రైతులు తెలిపారు. పత్తి చేలలో మాత్రం పత్తి పగిలి ఉందని, ఈ వర్షం వల్ల పత్తి నలుపు రంగుకు మారే ప్రమాదం ఉందని రైతులు తెలిపారు.