రూ. 150 కోసం గొడవ.. ఒకరు మృతి

కంకిపాడు మండలం పొద్దుటూరులో రూ. 150 కోసం గొడవ జరిగి వ్యక్తి మృతి చెందాడు. గ్రామానికి చెందిన కొమ్ము భుజంగరావు (52), ఈడే వెంకటస్వామి కలిసి గురువారం రాత్రి మధ్యం సేవించారు. రూ. 150 కోసం ఇద్దరి మధ్య గొడవ జరగగా గతేడాది గుండెకు సర్జరీ చేయించుకున్న భుజంగరావు ఛాతిపై వెంకటస్వామి బలంగా కొట్టడంతో అపస్మారక స్థితిలోకి వెళ్ళాడు. కంకిపాడు లోని ఆసుపత్రికి తరలించే సమయంలో మృతి చెందాడు. గ్రామంలో బందోబస్తు ఏర్పాటు చేశారు.