కన్నుల పండువగా వల్లెలాంబదేవి రథోత్సవం

కోడుమూరు పట్టణంలో ఉగాది పండుగ పురస్కరించుకొని వల్లెలాంబదేవి అమ్మవారి రథోత్సవం మంగళవారం కన్నుల పండువగా సాగింది. ఈ వేడుకలను తిలకించేందుకు భక్తులు వేలాది సంఖ్యలో తరలివచ్చారు. ముందుగా రథాంగ హోమం చేపట్టారు. భక్తులు ఊరేగింపుగా వచ్చి అమ్మవారికి బోనాలు సమర్పించారు. అనంతరం అమ్మవారి ఉత్సవ విగ్రహాన్ని రథంపై ప్రతిష్టించారు. జిల్లాలోని పలు ప్రాంతాల నుంచి భక్తులు భారీ ఎత్తున కదిలివచ్చారు.