ఆళ్లగడ్డ రౌండ్ టేబుల్ సమావేశం

ఆళ్లగడ్డ పట్టణంలోని షాదీ ఖానాభవన్ లో ఆదివారం స్థానిక జేఏసీ కమిటీ ఆధ్వర్యంలో రౌండ్ టేబుల్ సమావేశం నిర్వహించారు. ఈ సమావేశానికి నంద్యాల, కడప నుండీ ముస్లిం మైనారిటీ సంఘాల నాయకులు పాల్గొన్నారు.ఈ సమావేశంలో మైనారిటీ నాయకులు ఎం.ఆర్.ఎఫ్ రాష్ట్ర అధ్యక్షులు షేక్ దస్తగిరి, ఖాదర్ భాషాలు మాట్లాడుతూ.. బీజేపీ ప్రభుత్వం ఈ నెల 8 న పార్లమెంటులో ప్రవేశ పెట్టిన వక్ఫ్ సవరణ బిల్లు 2024 ముఖ్య ఉద్ధేశ్యం వక్ఫ్ భూములను లాక్కోడానికి మాత్రమే ఈ సవరణ బిల్లును బీజేపీ తెచ్చిందని అన్నారు. దేశ వ్యాప్తంగా ఇప్పటికే దాదాపు 70 శాతానికి పైగా భూములు అక్రమార్కుల చేతుల్లో కబ్జాకు గురయ్యాయని, మిగిలిన భూముల్ని కూడా ముస్లింల నుండీ  లాక్కోవడానికి వక్ఫ్ సవరణ బిల్లు తెచ్చారని ఆగ్రహం వ్యక్తం చేశారు.