ఆర్టీసీ బస్సులను ప్రారంభించిన ఎమ్మెల్యే ఇంటూరి

కందుకూరు ఆర్టీసీ డిపోకు కొత్తగా కేటాయించిన 3 సూపర్ లగ్జరీ సర్వీసులను ఎమ్మెల్యే ఇంటూరు నాగేశ్వరరావు శనివారం సాయంత్రం ప్రారంభించారు. ఈ సందర్భంగా ఎమ్మెల్యే బస్సును స్వయంగా కొంత దూరం డ్రైవ్ చేశారు. అనంతరం డిపో నుంచి ఫోస్టాఫీసు సెంటర్, ఎన్టీఆర్ సర్కిల్ మీదుగా తిరిగి డిపో వరకు బస్సులను ట్రయిల్ రన్ నిర్వహించగా ఎమ్మెల్యేతో పాటు అధికారులు, టిడిపి నాయకులు అందులో ప్రయాణించారు.