నెల్లూరు: టీడీపీలో రెండు వర్గాలు బాహాబాహీ పలువురికి గాయాలు

నెల్లూరు వెంకటేశ్వరపురంలో టిడిపిలోని రెండు వర్గాల మధ్య బాహాబాహి జరిగింది. గురువారం జరిగిన ఈ వివాదంలో ఇరు వర్గాలకు చెందిన పలువురికి తీవ్ర గాయాలయ్యాయి. ప్రస్తుత కార్పొరేటర్ సఫియా భర్త ముజీబ్, మాజీ కార్పొరేటర్ భర్త జహీర్ మధ్య ఓ స్థలానికి సంబంధించి మట్టి తోలుతుండడంతో వివాదం మొదలై తీవ్రస్థాయిగా మారింది. గాయపడిన పలువురిని ఆసుపత్రిలో చికిత్స నిమిత్తం చేర్చారు. జిల్లా టిడిపి నేతలు వారిని పరామర్శించారు.