ఉదయగిరి: చెరువులో యువకుడు అనుమానాస్పద మృతి
దుత్తలూరు మండలంలోని వెంకటంపేట చెరువులో యువకుడు అనుమానస్పదంగా మృతి చెందారు. మృతదేహం చెరువు తూము దగ్గర తేలి ఉండటాన్ని స్థానికులు గమనించారు. కాగా మృతి చెందిన యువకుడు వెంకటంపేట గ్రామానికి చెందిన పందిర్ల గురు చరణ్ (17) గా గుర్తించారు. ఆదివారం నుంచి ఆ యువకుడు కనిపించకపోవడంతో కుటుంబ సభ్యులు గాలించారు. చెరువులో ఆ యువకుడు మృతదేహం లభ్యం కావడంతో కుటుంబ సభ్యుల రోధనలు మిన్నంటాయి. ఘటనపై పోలీసులు విచారిస్తున్నారు.
