అల్లూరి జిల్లాలో గిరిజనులకు తప్పని డోలిమోత కష్టాలు

పెదబయలు మండలంలోని పలు గ్రామాల్లో రహదారి సౌకర్యం లేక గిరిజనులకు డోలికష్టాలు తప్పడం లేదు. గుల్లేలు పంచాయతీలోని రేంజేలమామిడికి చెందిన నిండు గర్భిణి గల్లేలి. ధన అనే నిండు గర్భిణీ పురిటి నొప్పులతో బాధపడుతుంది. దీనితో గ్రామానికి రహదారి సౌకర్యం లేక కుటుంబీకులు గర్భిణికి ఆదివారం రాత్రి డోలికట్టి రేంజేలమామిడి నుండి సీమకొండ వరకు 5 కిలోమీటర్లు మోసుకొచ్చారు. అక్కడి నుంచి ఆటోలో గోమంగి ఏరియా ఆసుపత్రికి తరలించారు.