జీరుపేట గ్రామంలో ఘనంగా శ్రీరామనవమి ఉత్సవాలు

భీమిలి నియోజకవర్గం జీవీఎంసీ 2వ వార్డు జీరుపేట గ్రామంలో నేడు శ్రీరామనవమి సందర్భంగా ఘనంగా ఉత్సవాలు నిర్వహించారు. గ్రామ పెద్దలు చిల్ల భాస్కర్ రెడ్డి, నీలాపు శంకర్ రెడ్డి ఆధ్వర్యంలో సుమారు 2500 మందికి అన్న సమారాధన కార్యక్రమం నిర్వహించారు. తరువాత భారతీయ సంస్కృతి నృత్యం దివ్య కుమారి బృందం వారిచే పలు సాంస్కృతి కార్యక్రమాలు గ్రామస్తులను ఆకట్టుకున్నాయి. గ్రామ పెద్దలు మాట్లాడుతూ ప్రజల నుండి విశేష స్పందన లభించిందని తెలిపారు. దీనికి సహకరించిన ప్రతి ఒక్కరికి ధన్యవాదాలు తెలిపారు.