బాల త్రిపురసుందరి అలంకరణలో కనకదుర్గమ్మ భక్తులకు దర్శనం

నర్సీపట్నంలో దేవి నవరాత్రి ఉత్సవాలు వైభవంగా ప్రారంభం అయ్యాయి. కనకదుర్గమ్మను గురువారం శ్రీ బాలత్రిపుర సుందరి అవతారంలో అలంకరించి భక్తులకు దర్శన భాగ్యం కల్పించారు. ఉత్సవాల సందర్భంగా ప్రత్యేక పూజలు నిర్వహించారు. అమ్మవారిని దర్శించుకోవడానికి భక్తులు తరలి వస్తున్నారు. బలిఘట్టం విజయదుర్గమ్మ ఆలయంలో భవానీలకు ప్రత్యేక ఏర్పాట్లు చేశారు. సాయంత్రం పూట అన్న సమారాధన ఏర్పాటు చేయనున్నట్లు నిర్వాహకులు తెలిపారు.