తిరుమల స్వామివారి సర్వదర్శనానికి 12 గంటల సమయం

తిరుమలలో భక్తుల రద్దీ కొనసాగుతోంది. ప్రస్తుతం స్వామివారిని దర్శించుకునేందుకు 19 కంపార్టుమెంట్లలో భక్తులు వేచి ఉండగా.. టోకెన్ లేని భక్తులకు శ్రీవారి సర్వదర్శనానికి 12 గంటల సమయం పడుతోంది. నిన్న 56,711 మంది భక్తులు స్వామివారిని దర్శించుకున్నారు. 19,775 మంది భక్తులు స్వామివారికి తలనీలాలు సమర్పించుకున్నారు. కానుకల రూపంలో స్వామివారి హుండీ ఆదాయం రూ.3.64 కోట్లు వచ్చినట్లు టీటీడీ తెలిపింది.