భారత మహిళల హాకీ జట్టుకు సవాల్‌!

ఆసియా ఛాంపియన్స్‌ ట్రోఫీలో టైటిల్‌ నిలబెట్టుకోవాలనే లక్ష్యంతో బరిలో దిగుతున్న సలీమా బృందం.. సోమవారం తొలి మ్యాచ్‌లో మలేసియాతో తలపడనుంది. పారిస్‌ ఒలింపిక్స్‌కు అర్హత సాధించడంలో విఫలమైన భారత్‌.. ఈ ఏడాది హాకీ ప్రొ లీగ్‌లో 16 మ్యాచ్‌ల్లో 13 ఓడిపోయింది. దీంతో ఆసియా ఛాంపియన్స్‌ ట్రోఫీతోనైనా విజయబాట పట్టాలని సంకల్పంతో ఉంది. కానీ ప్రస్తుతం ఉన్న ఫామ్‌లో టైటిల్‌ నిలబెట్టుకోవడం భారత జట్టుకు పెద్ద పరీక్షే.