సిగ్నల్, మార్గం మిస్‌మ్యాచ్‌ వల్లే ప్రమాదం

గత ఏడాది ఒడిశాలో మూడు రైళ్లు ఢీకొన్న ఘటనను మరువకముందే భాగమతి రైలు ప్రమాదం గురించి తెలియడంతో అంతా ఉలిక్కిపడ్డారు. ఎటువంటి ప్రాణనష్టం లేకపోవడంతో అంతా ఊపిరి పీల్చుకున్నారు. ఈ ఘటనపై దక్షిణ రైల్వే జీఎం ఆర్‌ఎన్‌ సింగ్‌ ఓ జాతీయమీడియాతో ఇవాళ మాట్లాడారు. సిగ్నల్‌, మార్గం మధ్య మిస్‌మ్యాచ్‌ ఈ ప్రమాదానికి కారణమైందన్నారు. మెయిన్‌ లైన్‌లోకి వెళ్లేలా సిగ్నల్‌ ఇవ్వగా.. ట్రాక్‌ మాత్రం రైలును క్లోజ్డ్‌ లూప్‌ వైపు మళ్లించిందని పేర్కొన్నారు.