’ఇంద్ర‘ని ఓవర్ టేక్ చేసిన ‘గబ్బర్ సింగ్’.. ఆల్ టైం రికార్డ్

ప్రస్తుతం టాలీవుడ్‌లో రీ రిలీజ్‌ల హవా నడుస్తోంది. తాజాగా పవర్ స్టార్ పవన్ కళ్యాణ్ నటించిన మాస్ చిత్రం ‘గబ్బర్ సింగ్’ ఆయన పుట్టినరోజు కానుకగా రీ రిలీజ్ అయింది. ఈ చిత్రం ఓవర్సీస్ మార్కెట్లో కూడా సత్తా చాటింది. ఈ క్రమంలో ఇటీవల వచ్చిన మెగాస్టార్ చిరంజీవి ’ఇంద్ర’ని గబ్బర్ సింగ్ ఓవర్‌టేక్ చేసింది. ఇంద్ర 59 వేల డాలర్స్ మార్క్‌ని దాటి ఆగిపోగా, గబ్బర్ సింగ్ ఏకంగా 64 వేలకి పైగా డాలర్స్‌ని క్రాస్ చేసి సెన్సేషనల్ రికార్డు సెట్ చేసింది.