నారాయణపేట: మటన్ మార్కెట్లో వినియోగదారుల ఆందోళన

నారాయణపేట జిల్లా కేంద్రంలోని మటన్ మార్కెట్లో ఆదివారం వినియోగదారులు ఆందోళన చేశారు. చిన్న సైజులో వున్న మేకలు, గొర్రెల మాంసం విక్రయిస్తున్నారని, రెండు రోజుల క్రితం ఫ్రిడ్జిలో పెట్టిన మాంసం విక్రయిస్తున్నారని ఆందోళనకు దిగారు. వ్యాపారస్తులతో వాగ్వాదానికి దిగారు. మున్సిపల్ అధికారులకు ఫిర్యాదు చేయడంతో అధికారులు మాంసాన్ని స్వాధీనం చేసుకొని నాణ్యతగా వున్న మాంసం విక్రయించాలని వ్యాపారస్తులను హెచ్చరించారు.