జూరాల ప్రాజెక్టుకు తగ్గిన ఇన్ ఫ్లో

వనపర్తి జిల్లా జూరాలకు ఎగువ నుంచి ఇన్ ఫ్లో మరింత తగ్గు ముఖం పట్టినట్లు పీజేపీ అధికారులు తెలిపారు. సోమవారం సాయంత్రానికి కేవలం 30 వేల క్యూసెక్కుల ఇన్ ఫ్లో ఉన్నట్లు తెలిపారు. కాగా 9 యూనిట్ల విద్యుత్తు ఉత్పత్తి అవుతోంది. ఈ మేరకు విద్యుత్తు ఉత్పత్తికి 22, 241 క్యూసెక్కుల నీరు వినియోగిస్తున్నారు. మొత్తంగా 24, 695 క్యూసెక్కుల నీరు దిగువకు విడుదల అవుతోంది. ప్రస్తుతం ప్రాజెక్టులో 9. 275 టీఎంసీల నీరు నిల్వఉంది.