ఏపీలో రేపటి నుంచి మూడు రోజులపాటు భారీ వర్షాలు

AP: బంగాళాఖాతంలో కొనసాగుతున్న ఉపరితల ఆవర్తనంతో పాటు అల్పపీడన ఏర్పడనుండటంతో కోస్తాంధ్ర, రాయలసీమ జిల్లాలకు మంగళవారం నుంచి వర్షాలు కురవనున్నాయి. అల్పపీడనం ప్రభావంతో మంగళ, బుధ, గురువారాల్లో రాయలసీమ, దక్షిణకోస్తాలో కొన్ని ప్రాంతాల్లో మోస్తరు నుంచి భారీ వర్షాలు, మిగిలిన చోట్ల అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని విపత్తుల నిర్వహణ సంస్థ తెలిపింది.