చరిత్ర చాటేలా పారిస్ ఒలింపిక్స్‌

సాధారణంగానే పారిస్‌కు పర్యాటకుల తాకిడి ఎక్కువ. ఇప్పుడు ఒలింపిక్స్‌ ఆరంభోత్సవ వేడుకల్లో అక్కడి ప్రధాన కట్టడాలను, సందర్శనీయ ప్రదేశాలను, చారిత్రక వారసత్వాన్ని పారిస్‌ చాటింది. దీంతో మరే ఒలింపిక్స్‌కు రానంత మంది అభిమానులు ఈ క్రీడలకు హాజరయ్యారు. ఈ ఒలింపిక్స్‌కు సంబంధించి 95 లక్షల కంటే ఎక్కువ టికెట్లు అమ్ముడయ్యాయి. 1996 అట్లాంటా ఒలింపిక్స్‌ (83 లక్షలు)ను దాటి ఇప్పుడు అత్యధిక టికెట్లు అమ్ముడైన ఒలింపిక్స్‌గా పారిస్‌ నిలిచింది.