శంషాబాద్ విమానాశ్రయంలో పాముల కలకలం.. ఇద్దరు మహిళలు అరెస్ట్

హైదరాబాద్‌లో పాములు కలకలం రేపాయి. శంషాబాద్ అంతర్జాతీయ విమానాశ్రయంలో సోమవారం పాములు తరలిస్తున్న ఇద్దరు మహిళలు అరెస్ట్ చేశారు. బ్యాంకాక్ నుంచి హైదరాబాద్‌కు వచ్చిన ఇద్దరు మహిళల వద్ద విషపూరితమైన పాములు ఉన్నట్లు శంషాబాద్ ఎయిర్‌పోర్టులో కస్టమ్స్ అధికారులు గుర్తించారు. దీంతో పాములను స్వాధీనం చేసుకొని, సదరు మహిళలను అదుపులోకి తీసుకొని దర్యాప్తు చేస్తున్నారు. అయితే విషపూరితమైన పాములు పట్టుబడడంతో ప్రయాణీకులు తీవ్ర భయాందోళనకు గురయ్యారు.