అభివృద్ధి, సంక్షేమ పథకాలను ప్రజలకు చేరవేసేందుకు కృషి చేస్తా

మెదక్ జిల్లా అదనపు కలెక్టర్ గా నియమితులైన మంచు నగేష్ మంగళవారం కలెక్టర్ రాహుల్ రాజు మర్యాదపూర్వకంగా కలిసి పుష్పగుచ్ఛం అందజేశారు. ఈ సందర్భంగా కలెక్టర్ ఆయనకు శుభాకాంక్షలు తెలియజేశారు. అనంతరం అదనపు కలెక్టర్ మాట్లాడుతూ.. జిల్లా సమర్థవంతమైన పాలనలో కలెక్టర్ సూచనలు, సలహాలు పాటిస్తూ వివిధ శాఖల అధికారుల సమన్వయంతో అభివృద్ధి, సంక్షేమ పథకాలను ప్రజలకు చేరవేసేందుకు విశేష కృషి చేస్తానని తెలిపారు.