ప్రయాణికురాలి లగేజీ చోరీ.. రైల్వేకి రూ.లక్ష జరిమానా

రైల్వే ప్రయాణికురాలి లగేజీ చోరీకి సంబంధించి వినియోగదారుల కమిషన్ కీలక తీర్పు వెలువరించింది. సేవల్లో లోపాలు ఉన్నాయని రైల్వేకు రూ.లక్ష జరిమానా విధించింది. బాధితురాలికి మొత్తం రూ.1.08లక్షలు చెల్లించాలని ఆదేశించింది. ఢిల్లీకి చెందిన ఓ ప్రయాణికురాలు 2016 జనవరిలో మాల్వా ఎక్స్ ప్రెస్ లో ప్రయాణించారు. ఆ సమయంలో తన లగేజీ చోరీకి గురయ్యిందని..అందులో రూ. 80వేలు విలువైన వస్తువులు ఉన్నాయని వినియోగదారుల ఫోరంలో ఫిర్యాదు చేసింది.