మరోసారి ఉక్రెయిన్‌పై రష్యా భీకర దాడులు

ఉక్రెయిన్‌పై రష్యా మరోసారి భీకర దాడులతో విరుచుకుపడింది. ఈసారి విద్యుత్‌ వ్యవస్థలే లక్ష్యంగా దాడులు చేసింది. దీంతో లక్షల ఇళ్లకు విద్యుత్‌ సరఫరాలో అంతరాయం కలిగింది. మొత్తంగా 79 క్షిపణులు, 35 డ్రోన్లను కూల్చివేసినట్లు ఉక్రెయిన్‌ వెల్లడించింది. కాగా, రెండు రోజుల క్రితమే రష్యా 188 డ్రోన్లతో విరుచుకుపడిన సంగతి తెలిసిందే. రాత్రి వేళ మొత్తం 17 ప్రాంతాల్లో ఈ దాడులు జరిగినట్టు ఉక్రెయిన్‌ ప్రకటించింది.