రోహిణి దేవి అలంకారంలో గజ్వేల్ మహంకాళి అమ్మవారు

గజ్వేల్ మహంకాళి దేవాలయ సన్నిధిలో దసరా శరన్నవరాత్రి ఉత్సవాల్లో భాగంగా నాల్గవ రోజు బుదవారం రోహిణి దేవి అలంకారంలో దర్శనమిచ్చారు. దేవాలయ పూజారి చాడ నందబాల శర్మ సారథ్యంలో వేద పండితులు గణపతి పూజ, మంత్రపుష్పాది కార్యక్రమాలు నిర్వహించారు. అమ్మవారి మూల విరాట్టుకు పంచామృతాలతో మహాభిషేకం నిర్వహించారు. అనంతరం పూజలు, సప్తశతి పారాయణం, మూల మంత్రహావనం నిర్వహించారు.