తిరుమల శ్రీ‌వారి ఆల‌యంలో ఆగ‌స్టు 19న శ్రావ‌ణ‌ పౌర్ణమి గరుడసేవ

తిరుమలలో భక్తుల రద్దీ కొనసాగుతోంది. టోకెన్లు లేని భక్తుల సర్వదర్శనానికి 18-24 గంటల సమయం పడుతోంది. కాగా, తిరుమల శ్రీ‌వారి ఆల‌యంలో ఆగ‌స్టు 19న శ్రావ‌ణ‌ పౌర్ణమి గరుడసేవ జరుగనుంది. ప్రతినెలా పౌర్ణమి సందర్భంగా తిరుమలలో గరుడసేవ నిర్వహిస్తున్న విషయం తెలిసిందే. రాత్రి 7 నుంచి 9 గంట‌ల మధ్య సర్వాలంకార భూషితుడైన మలయప్ప స్వామివారు గ‌రుడ వాహనంపై తిరుమాడ వీధులలో భక్తులకు దర్శనమిస్తారని టీటీడీ దేవస్థాన అర్చకులు తెలిపారు.