యువకుడిని బెల్ట్ తో చితకబాదిన ఎస్ఐ.. వీడియో వైరల్

యూపీలోని ఇటావా జిల్లాలో షాకింగ్ ఘటన చోటు చేసుకుంది. ఓ యువకుడిని సబ్ ఇన్‌స్పెక్టర్ బెల్ట్ తో దారుణంగా కొడుతున్న వీడియో సోషల్ మీడియాలో ప్రస్తుతం వైరల్ అవుతోంది. ఈ ఘటన బకేవార్ పిఎస్ పరిధిలోని మహేవా అవుట్‌పోస్ట్ వద్ద జరిగినట్లు సమాచారం. సదరు యువకుడిని నేలపై పడుకోబెట్టి బెల్టుతో చితకబాదాడు. కేవలం 6 సెకన్లలో 10 సార్లు అతడిని కొట్టాడు. ఈ వీడియో చూసిన జనాలు భిన్నంగా స్పందిస్తున్నారు. ఈ ఘటన ఎప్పుడు జరిగిందో స్పష్టత లేదు.