ఆదివాసీ మహిళపై అత్యాచారయత్నానికి నిరసనగా జైనూర్ లో చేపట్టిన బంద్ లో ఉద్రిక్తత

ఆసిఫాబాద్ జిల్లాలో ఆదివాసీ మహిళ(45) పై అత్యాచారానికి యత్నించిన ఆటో డ్రైవర్ మక్దూంను పోలీసులు అరెస్టు చేశారు. ఈ క్రమంలో బుధవారం నిందితుడిని ఉరి తీయాలంటూ జిల్లాలోని జైనూర్ లో ఆదివాసీల సంఘాలు బంద్ నిర్వహించాయి. ఈ బంద్ కాస్తా తీవ్ర ఉద్రిక్తతలకు దారి తీసింది. కొందరు నిరసనకారులు దుకాణాలను ధ్వంసం చేశారు. అయితే నిరసనకారులు ఒకే వర్గానికి చెందిన వారి షాపులను లక్ష్యంగా చేసుకొని ఈ దాడులకు పాల్పడ్డారని పలు వార్తా కథనాలు పేర్కొన్నాయి.