గెలుపు దిశగా ట్రంప్.. మస్క్ ట్వీట్ వైరల్

అమెరికా అధ్యక్ష ఎన్నికల్లో డొనాల్డ్ ట్రంప్ గెలుపు దిశగా దూసుకెళ్తున్నాడు. ఈ సందర్భంగా టెస్లా చీఫ్, బిలియనీర్ ఎలాన్ మస్క్ నెట్టింట ఆసక్తికర పోస్ట్ పెట్టారు. ‘గేమ్, సెట్ అండ్ మ్యాచ్’ అంటూ బుధవారం మస్క్ ట్వీట్ చేశారు. టెన్నిస్ మ్యాచ్ లో ఉపయోగించే భాషలో ట్రంప్ గెలుపు, ప్రత్యర్థి ఓటమి ఖాయమైందనే అర్థంలో ఈ ట్వీట్ చేశారు. సాధారణంగా టెన్నిస్ మ్యాచ్ లో ఓ ఆటగాడు గెలిచాడు అనేది చెప్పడానికి సోషల్ మీడియాలో ఈ పదాలు ఉపయోగిస్తుంటారు.