ఒకరి సస్పెన్షన్... ఇద్దరికి షోకాజ్ నోటీసులు

గ్రేటర్ వరంగల్ మున్సిపల్ కార్పోరేషన్ కార్యాలయంలో ఎల్ఆర్ఎస్ హెల్ప్ లైన్ డెస్క్ వద్ద ఏర్పాటు చేసిన ఫ్లెక్సీలో జరిగిన తప్పిదంలో టౌన్ ప్లానింగ్ విభాగం సూపరింటెండెంట్ పై వేటు పడింది. ఈ ఘటనలో బల్దియా టౌన్ ప్లానింగ్ సూపరింటెండెంట్ జవాన్ రావును సస్పెండ్ చేస్తూ బుధవారం కమిషనర్ అశ్విని తానాజీ వాకడే ఉత్తర్వులు జారీ చేశారు. అంతేకాకుండా టౌన్ ప్లానింగ్ డీసీపీ, ఇన్ ఛార్జ్ సిటీ ప్లానర్ రవీందర్ షోకాజు నోటీసులు జారీ చేశారు.