క్షేత్ర సందర్శనలో భాగంగా పంట పొలాల పరిశీలన

ఆలేరు నియోజకవర్గం కొలనుపాకల గ్రామంలో క్షేత్ర సందర్శనలో భాగంగా రైతుల పొలాలను మండల వ్యవసాయాధికారి పద్మజ పరిశీలించి రైతులకు పలు సూచనలు చేశారు. వర్షాలు కురుస్తున్న నేపథ్యంలో ఎరువులు ఇప్పుడు వేయకుండా వర్షాలు తగ్గిన తర్వాత వేసుకోవాలని లేదంటే ఆ వరదలో వేసిన ఎరువులు కొట్టుకుపోయి వృథా అయ్యే అవకాశం ఉందని తెలిపారు. ఈ క్షేత్ర సందర్శనలో ఏఈఓ శివకుమార్, రైతులు యాదగిరి, సత్తయ్య, శంకర్, శ్రీశైలం, గౌరమ్మ పాల్గొన్నారు.