వృక్షానికి రాఖీ కట్టిన చిలకలమర్రి జడ్పీ పాఠశాల విద్యార్థులు

అనంతసాగరం మండలం చిలకలమర్రి జడ్పీ హైస్కూల్లో హెచ్ఎం సురేష్ ఆధ్వర్యంలో రక్షాబంధన్ పండుగను సోమవారం సందడిగా జరుపుకున్నారు. విద్యార్థినులు విద్యార్థులకు రాఖీలు కట్టారు. వృక్షానికి కూడా రాఖీ కట్టి పర్యావరణ పరిరక్షణకు కృషి చేస్తామని ప్రతిజ్ఞ చేశారు. ఉపాధ్యాయుడు చంద్రశేఖర్ రెడ్డి మాట్లాడుతూ విద్యార్థుల మధ్య సోదర భావాన్ని చాటడానికి రక్షాబంధన్ పండుగ ఎంతో దోహదపడుతుందన్నారు. కార్యక్రమంలో విద్యార్థులు పాల్గొన్నారు.