యాడికి: చికిత్స పొందుతూ ఒకరి మృతి

కర్నూలు ప్రభుత్వాసుపత్రిలో చికిత్స పొందుతూ మంగళవారం ఓ వ్యక్తి మృతి చెందాడు. ధర్మవరం పట్ట ణానికి చెందిన చెండ్రాయుడు (37) రాయలచెరువులోని ఓ హోటల్లో దినసరి కూలీకి పనిచేస్తుండేవాడు. అయ్యప్పమాల ధరించడంతో 14న వేకువజామున స్నానానికి వెళ్లేందుకు రోడ్డు దాటుతుండగా గుర్తు తెలియని వాహనం ఢీ కొట్టింది. తీవ్ర గాయాలు కావడంతో స్థానికులు కర్నూలు ప్రభుత్వ ఆసుపత్రికి తరలించారు. అక్కడ చికిత్స పొందుతూ మృతి చెందాడు.