80 గంటలుగా ఎయిర్‌పోర్ట్‌లోనే చిక్కుకుపోయిన ప్రయాణికులు

విమానంలో సాంకేతిక సమస్య తలెత్తడంతో దాదాపు 100 మంది ప్రయాణికులు 80 గంటలుగా ఎయిర్‌పోర్ట్‌లోనే చిక్కుకుపోయారు. థాయ్‌లాండ్‌ నుంచి ఢిల్లీకి బయలుదేరిన ఎయిరిండియా విమానంలో సాంకేతిక సమస్య తలెత్తింది. దీంతో 80 గంటలుగా థాయ్‌లాండ్‌లోని ఫుకెట్‌లో చిక్కుకుపోయాం అంటూ ప్రయాణికులు సామాజిక మాధ్యమాల్లో పోస్టు పెట్టారు. దీనిపై స్పందించిన ఎయిర్‌లైన్స్‌.. ప్రయాణికులకు వసతులు కల్పించామని, వారి గమ్యస్థానాలకు చేర్చేందుకు ఏర్పాట్లు చేశామని తెలిపింది.