పారిశుద్ధ్య కార్యక్రమాలు తనిఖీ చేసిన కమిషనర్

చిత్తూరు నగరంలో జరుగుతున్న పారిశుద్ధ్య కార్యక్రమాలను నగర కమిషనర్ పి. నరసింహ ప్రసాద్ శుక్రవారం ఆకస్మికంగా తనిఖీ చేశారు. కమిషనర్ సంతపేట పీఎన్సీ హై స్కూల్ మైదానంలో పారిశుద్ధ్య కార్యక్రమాల నిర్వహణను తనిఖీ చేసి అధికారులకు మార్గనిర్దేశం చేశారు. అనంతరం కమిషనర్ వన్నియర్ బ్లాక్, బజార్ స్ట్రీట్, హైరోడ్ ప్రాంతాల్లో పర్యటించి పారిశుద్ధ్యం తనిఖీ చేశారు. ఈ సందర్భంగా కమిషనర్ మాట్లాడుతూ.. క్షేత్రస్థాయిలో పారిశుద్ధ్య పనులు సక్రమంగా, సకాలంలో పూర్తి చేయాలన్నారు.