కొవ్వూరు: వ్యక్తికి తృటిలో తప్పిన ప్రమాదం

కొవ్వూరు - తాళ్లపూడి ఏటిగట్టుపై నిత్యం ప్రమాదాలు జరుగుతున్నాయి. మితిమీరి వస్తున్న వాహనాల వల్ల ప్రజలు ఇబ్బందులు ఎదుర్కొంటున్నారు. సోమవారం శివాలయం నుంచి తాళ్లపూడి సైకిల్‌పై వెళ్తున్న వ్యక్తిని అటుగా వస్తున్న డీసీఎం వ్యాన్ బలంగా ఢీకొట్టింది. బాధితుడు అదృష్టవశాత్తూ ఏటిగట్టు మొక్కలపై పడడంతో స్వల్ప గాయాలపాలయ్యాడు. అధికారులు వాహనాల వేగ నియంత్రణకు ప్రత్యేక చర్యలు తీసుకోవాలని స్థానికులు కోరుతున్నారు.